Við gerum okkur far um að nota hráefni úr héraði og góða rabarabarasultan með vöfflunum er soðin á staðnum úr rabarabara frá Reykhúsum. Klassískar kökur eins og hjónabandssæla og apríkósu-kókoskakan hennar Jórunnar eru bakaðar á staðnum. Rjóminn keyptur í búð en mjög líklega frá einhverju kúabúinu í sveitinni.  Einnig er stundum boðið uppá heimatilbúið soðið brauð eða parta eins og við kjósum að kalla það með reyktum silungi frá Mývatnssveit. Einnig er vínveitingarleyfi og hægt að skála í búbblum eða bjór úr héraði og léttvínum.